ساینس او ټکنالوژۍ د ټولنې د پرمختګ بنسټیز فکټور دی، په هغو هېوادونو کې چې دې برخې ته پام شوی تل د اوږد مهاله او نه درېدونکي پرمختګ شاهدان دي.
زموږ د هېواد د بنسټيزې ودې او پرمختیا په موخه د ساینس رواجول او د ټولنیز ارزښت په بڼه منل مهمه چاره ده.
دې مهمې اړتیا ته په کتو ویسا اکاډمي د ساینس او ټکنالوژي پر بنسټیزې زده کړې ډېر تمرکز کړی دی او په دې برخه کې یې زده کوونکو ته د ساینسي لابراتوار او کمپیوټر لیب اسانتیاوې برابرې کړي دي.
د ساینس او ټکنالوژي ټولګي په عصري تخنیکي وسایلو سمبال دي چې زده کوونکي په کې د مطالعې، مشاهدې او تجربې پر بنسټ نظري او عملي زده کړې کوي.